Ertzaintzak 47 urteko gizonezko bat atxilotu zuen atzo, asteazkena, arratsaldean, genero-indarkeriaren delitu bat leporatuta, Portugaleten bikotekide ohiari eraso egin ondoren.
Atzo arratsaldeko zazpiak aldera, Portugaleteko merkataritza gune batean erasotzaileak bikotekide ohiari bultza egin zion behin eta berriz, eta ahoan ukabilkada bat emanda ezpainean ebakia egin zion. Inguruan zegoen segurtasun-jagole batek banandu zituen erasotzailea eta biktima Ertzaintza iritsi arte. Bertaratu ziren agenteek gertatutakoa baloratu eta gizonezkoa atxilotu zuten genero-indarkeriaren delitua leporatuta.
