68 urteko gizon bat atxilotu dute Donostian, exhibizionismo delitua egotzita, eskola baten ondoan dagoen parke publiko batean masturbatzeagatik, klasera zihoazen adingabeak aurretik pasatzen ari ziren bitartean, Segurtasun Sailak zabaldu duenez.
Astearteko 09:00ak pasatxoan, Ertzaintzak abisua jaso zuen, Gros auzoko parke batean, banku batean eserita, gizon bat masturbatzen ari zelako, adingabeak eskolara joateko aurretik pasatzen ari zirenean.
Hala, patruila bat bertaratu zen eta bertan aurkitu zuen. Salatzaileak egiletzat jo ondoren, agenteek identifikatu egin zuten. Horrela jakin zuten agenteek hura bilatu eta atxilotzeko hiru agindu zeudela indarrean, atxilotuak aurrekariak baititu antzeko delituengatik. Horren aurrean, agenteek atxilotu egin zuten, exhibizionismo delitua egotzita.
Agenteek Ertzain-etxera eraman zuten, epailearen esku utzi aurretik.
