Astelehenean Bizkaiko Ahaldun Nagusiak, Unai Rementeriak, Brad Little Idahoko gobernadoreari harrera egin zion Foru Jauregian.
Little bere gobernuko ekonomiaren, merkataritzaren eta nekazaritzaren arloko arduradunekin etorri da. Idahoko ordezkaritzak lan-gosaria egin du Aldundiko Ekonomia Sustatzeko, Kulturako eta Erakunde Harremanetarako arduradunekin. Ahaldun Nagusiak bera izan da buru topaketa horretan.
Gobernadorearen bidaiak helburu ekonomiko eta kultural nabarmena du. Hala, Bizkaiko Foru Aldundian egindako bileraren bidez, bi erakundeek indartu egin dute harreman ekonomikoak eta merkataritzako estutzeko akordioa. Azken lau urteetan, Bizkaiak eta Idahok enpresa-misioak bidali dituzte Atlantikoaren alde batera eta bestera. Horrez gainera, programatuta dago Idahoko ordezkaritza Bizkaiko enpresekin elkartzea egun hauetan.
Idahon eta haren hiriburuan, Boisen, euskal diasporaren ordezkari ugari daude. Eta datorren urteko udan, berriro egingo dute Jaialdi tradizionala, zeinaren bidez alde bateko eta besteko euskaldunek jai egiten duten XX. mendearen hasieran emigratu zuten euskal artzainek Estatu Batuetako estatu horretan utzitako aztarna eta sustrai sendoak direla eta.
