Ertzaintzak jakinarazi duenez, 39 urteko gizonezko bat atxilotu zuten atzo Laudioko enpresa batean lapurreta egitea leporatuta.
Arratsaldeko zortzi eta erdiak aldera, Laudioko Udaltzaingoak Ertzaintzara deitu zuen Gardeako enpresa batean ustez lapurreta egin zutela esanez. Dirudienez, Udaltzaingoak jasotako informazioaren arabera, pertsona bat furgoneta batekin ari zen kolpatzen enpresako sarrerako atetzarra.
Lekura hurbildu ziren herritarren babeserako patruilek ate zabukaria jaitsita, baina itxi gabe, zegoela ikusi zuten, eta apur jaso zuten barrua miatu ahal izateko. Atea irekitzearekin batera egiaztatu zuten pabiloi barruan furgoneta bat zegoela, eta atzeko aldean ezkutatuta gizonezko bat ikusi zuten. Furgoneta barruan metalezko materiala eta kableak zituzten hainbat kaxa aurkitu zituzten agenteek. Horrez gainera, inguruan antzeko kaxa gehiago zeuden pilatuta eta furgonetan sartzeko prest. Ebidentzia horien aurrean, eta gizonezkoak aitortu egin zuenez materiala lapurtzen ari zela, indarra erabiliz lapurreta egitea leporatuta atxilotu zuten.
Arrastatuak polizia-aurrekariak ditu, eta epailearen aurrera agertu beharko du.
