Aste honetako asteartean ertzainek 18 urteko gazte bat atxilotu zuten Bizkaiko hiriburuan, ustez bi establezimendutan osteagatik.
Gauean, hamabiak baino zertxobait lehenago, Ertzaintzaren herritarren babeserako patruila bati Bilboko saltoki batera joateko eskatu zioten, lapurreta-alarma aktibatu zela-eta.
Agenteak berehala hurbildu ziren adierazitako lekura, eta bi gazte ikusi zituzten establezimendu batetik korrika irteten. Agenteek bati heltzea lortu zuten.
Gaztea identifikatu zutenean, miatu egin zuten, eta motxila batean mailu bat eta hainbat jantzi aurkitu zizkioten.
Ertzainek egiaztatu zuten lokaleko sarrerako atearen sarraila eta buloi inguruko baldosa bat txikituta zeudela, eta atxilotu egin zuten, beraz, lapurreta-delitua leporatuta.
Atxilotua polizia-egoitzara zeramatenean, lekuko batek ezagutu egin zuen eta zertxobait lehenago beste saltoki batean lapurreta egin zuela adierazi zuen.
Dagozkion salaketen bidez jakin ahal izan denez, gazteak 600 eurotik gora eta hainbat jantzi lapurtu zituen establezimendu batetik, eta handik minutu batzuetara denda bateko atearen sarrailak behartu zituen eta kutxa erregistratzailea manipulatu zuen.
Ertzainek ikertzen jarraitzen dute lapurretetan inplikatutako bigarren gaztearen identitatea argitzeko.
Atxilotuak polizia-aurrekariak ditu, eta atzo bertan eraman zuten Bilboko Guardiako Epaitegiko epailearen aurrera.
