Ertzaintzak 23 urteko gizonezko bat atxilotu dute gaur goizean Bizkaiko hiriburuko Matiko auzoan dagoen harategi batean lapurtzeagatik.
Goizaldeko lauak baino zertxobait lehenago bizilagun batek deitu du Ertzaintzara hiru gizonezko establezimenduko pertsiana behartzen ari zirela eta handik minutu batzuetara bertatik irten eta ihes egiten ikusi dituela esanez.
Berehala hurbildu dira bertara Ertzaintzako hainbat patruila, eta egiaztatu dute lokaleko, harategiko, sarrerako atea behartuta zegoela, eta ate ondoan zegoen makina erregistratzailea ere behartuta eta zabalik zegoela. Inguruan agenteek lekukoak emandako ezaugarriekin bat zetorren ustezko lapurretako bat identifikatu eta atxilotu dute. Orain jakin nahi dute ea beste bi gizonezkok ere parte hartu duten lapurretan eta ihes egin duten.
Arrastatua, 23 urteko gizonezkoa, polizia-egoitzara eraman dute, eta datozen orduotan eramango dute epailearen aurrera.
