20 urteko gazte bat atxilotu zuten atzo ertzainek ustez beste herritar bati eraso eta lapurreta egiteagatik.
Arratsaldeko seiak aldera, San Frantzisko inguruan zaintza-lanetan ari ziren Bilboko Ertzain-etxeko agenteek, Gimnasio kalera iristean, gizonezko bat ikusi zuten jo egin nahi zuten beste birekin borrokan. Patruilak berehala esku hartu zuen borrokari amaiera emateko eta ustezko erasotzaileak identifikatzen saiatzeko. Horietako batek ihes egin zuen agenteek esandakoari jaramonik egin gabe, horiek jarrera oldarkorra zuen beste susmagarria atxikitzen zuten bitartean.
Biktimak egiaztatu zuenez, banku batean eserita zegoela bi gazteak hurbildu zitzaizkion, eta diru-zorroa eta lepokoa kentzen zizkioten bitartean joka hasi zitzaizkion. Beharrezko egiaztapenak egin ondoren, ustezko lapurra indarkeria erabiliz lapurreta egitea leporatuta atxilotu zuten, eta, ondoren, polizia-egoitzara eraman zuten beharrezko izapideak egitera. Ikerketak zabalik jarraitzen du ihes egin zuen laguntzailearen identitatea jakiteko.
