Astartean ertzainek 30 urteko gizonezko bat atxilotu zuten Bilbon oinezko bati telefono mugikorra osten saiatzea leporatuta.
Arratsaldeko seiak aldera, Bidebarrieta kalean zihoan herritarren segurtasunerako patruila batek hainbat pertsona ikusi zituen gizonezko bati heltzen, lapurreta egin zuela esanez. Ertzainek jakin ahal izan zutenez, zertxobait lehenago oinezko bati poltsikoan zeraman telefonoa kentzen saiatu zen, eta oinezkoa konturatu egin zela jabetzean objektu zorrotz batekin mehatxatu zuen. Gertaeraren lekukoek esku hartu zuten eta ustezko lapurrak ihes egitea eragotzi zuten.
Gertatutakoa egiaztatu ondoren, susmagarria identifikatzen saiatu ziren, ez baitzeraman inolako agiririk, eta ondoren atxilotu egin zuten beldurra erabiliz lapurreta egitea leporatuta. Arrastatua polizia-egoitzara eraman dute dagozkion izapideak egiteko, epailearen aurrera eraman baino lehen.
