Donostia Kirolak koordinatzen duen Donostiako Eskola Kiroleko jardueretako Programako lehiaketa joan den larun batean hasi zen.
Ikasturte berri honetan, benjamin eta alebin mailetako partaidetzak 5.000 haur kopuruaren gainetik mantentzen da, hau da, lehen hezkuntzako hirugarren eta seigarren mailen artekoen %74ak lehiaketeta hauetan parte hartuko du.
Benjamin mailako egutegia.
Benjamin mailako eskolaumeek (Lehen Hezkuntzako 3. eta 4. maila) kirol anitzeko egutegi batean parte hartzen dute, hau da, hiruhilero kirol modalitate ezberdina lantzen dute. Ikastetxeek, Donostia Kirolarekin batera, zein modalitateak jokatuko diren, noiz, zein instalaziotan eta baita zein klubek jarduera horien kontrol teknikoa eramango dute ere erabakitzen dute.
Kategoria honetan ia 600 taldek eman dute izena kirol modalitate hauetan parte hartzeko: saskibaloia 3×3, futbola-6, areto futbola, eskubaloia, hockeya, pilota eta errugbya, baita igeriketa eta atletismoko bi jardunaldi ere.
Alebin mailako egutegia
Alebin mailan, berriz, eskolaume guztiei, urtean zehar gutxienez bi kirol praktikatzeko aukera ematen zaie. Aurten, 360 talde dagoeneko prest daude lehiaketarako. Saskibaloia eta futbola dira gehien praktikatzen diren kirolak (125 eta 119, hurrenez hurren), eta jarraian hockeya (43 talde) eta eskubaloia (41 talde) daude.
Futbola mutilen artean lehen aukera izaten jarraitzen du, baina dagoeneko kirol honetan inskribituta dauden taldeen %25a neskek osatzen dute. Nesken artean, aldiz, saskibaloia da gehien egiten den kirola, taldeen %60a neskenak baitira.
Sentsibilizazio Kanpaina: «Ama,Aita, jolastu nahi dut»
Kanpaina honetan, umeek beraiek bere gurasoei esaten diete jarduera hauetako benetako protagonistak umeak direla, eta eskerrak ematen dizkiete («Ama, aita, eskerrik asko!») presiorik gabe jolasten uzteagatik, jarduera hauetaz gozatu behar eta nahi dutelako.
