Euskal Autonomia Erkidegoko Justizia Auzitegi Nagusiak CAF enpresak langile bati asbestosia izeneko arnasketa-gaixotasuna eragiteagatik 168.500 bat euroko kalte-ordaina eman beharko diola erabaki du.
Asviamie Amiantoaren Euskadiko Biktimen Elkarteak astelehen honetan ohar batean jakinarazi duenez, Euskal Autonomia Erkidegoko Justizia Auzitegi Nagusiaren epaiak «osorik» onartzen du Donostiako Lan Arloko 4. Epaitegiaren epaiaren aurka langileak jarritako helegitea.
Asviamieren iritziz, Justizia Auzitegi Nagusiaren ebazpenak «Ricardo Bandres epaileak behin eta berriz gauzatutako inkongruentzien beste porrot bat da; izan ere, haren nahia da lan-gaixotasunak ezkutatu eta enpresa arau-hausleak errugabetzea, batez ere biktimek CAFi eskatzen dizkiotenean erantzukizunak».
