Ertzainek ostiralean 35 urteko gizon bat aurkitu zuten Hernaniko elkarte gastronomiko baten barruan, aurretik leiho baten markoa eta kristala bihurkin batekin behartu ondoren sartu zena bertara.
Gertakaria goizeko sei eta erdiak aldera hasi zen. Lekuko baten arabera, burua estalita zuen pertsona bat lokal batera sartu zen sarrera behartuta.
Patruila bat berehala hurbildu zen adierazitako lekura, Antziola auzora, eta elkarte gastronomiko bateko leihoa behartuta eta zabalik aurkitu zuen. Barruan burua estalita zuen gizonezko bat ikusi zuten agenteek, eskuetan eskularruak, linterna bat eta bihurkin bat zituela.
Ertzainek identifikatu egin zuten gizonezkoa, eta miatu zutenean dirua, segur aski lokaleko diru-kutxatik hartu zuena, eta bertako sukaldeko labana bat aurkitu zizkioten.
Gizonezkoa indarra erabiliz lapurreta egiteagatik atxilotu zuten eta Donostiako Guardiako Epaitegiko epailearen aurrera eraman zuten.
