Larunbat goizaldean 26 eta 35 urteko bi gizonezko atxilotu zituen Ertzaintzak Gasteizen ustez obrako bi makina lapurtu ondoren.
Goizaldeko bostak laurden gutxi aldera, herritarrak babesteko lanetan ari zen Ertzaintzaren uniformatu gabeko patruila batek bi gizonezko ikusi ditu Nafarroako errege-erreginen kalean, obretan erabiltzen dituzten moduko bi makinarekin. Ertzainek biak identifikatu dituzte, eta polizia-dotazioari esan diote Judimendi auzoan aurkitu dituztela. Emandako erantzuna ez zaienez batere sinesgarria iruditu agenteei, inguruak miatu dituzte, eta aparkatuta zegoen furgoneta batek leiho bat hautsita zuela eta ate bateko sarraila behartuta zegoela ikusi dute. Furgoneta barruan dena hankaz gora zegoen, eta identifikatuek zeramatzaten moduko erreminta gehiago zeuden.
Beharrezko egiaztapenak egin ondoren, biak atxilotu dituzte indarra erabiliz lapurreta egitea leporatuta.
Berreskuratutako makinak jada itzuli dizkiote jabeari. Bi arrastatuak gaur, larunbata, goizean eraman dituzte epailearen aurrera.
