Joan den igandean 22 urteko gizonezko bat atxilotu zuten Gasteizen aparkatuta zeuden hainbat autotan kalteak eragiteagatik.
Gaueko bederatzi eta erdiak aldera, pertsona batek Ertzaintzara deitu zuen bi gizonezko Arriaga auzoan aparkatuta zeuden autoei kalteak egiten ari zirela esanez.
Bertara hurbildu zen Ertzaintzaren patruila batek ikusi zituen lekukoak emandako datuekin bat zetozen bi gizonezko, eta, geldiarazi zituztenean, korrika ihes egiten saiatu ziren. Ertzainek bat harrapatu zuten. Bien bitartean, beste patruila batek Gabriel Aresti kalea eta Pablo Aldecoa Plaza miatu zituen, eta guztira zortzi autotan ikusi zituen kalteak. Autoek kenduta zituzten atzerako ispiluak eta ostikadak zituzten karrozerian.
Agenteek atxilotu egin zuten gizonezkoetako bat, 22 urtekoa, kalteak egitea leporatuta. Ikerketak zabalik jarraitzen du agenteak atzetik zituela ihes egitea lortu zuen beste gizonezkoa identifikatu eta atxilotu ahal izateko.
