Ertzainek 47 urteko gizonezko bat atxilotu zuten joan den igandean Gipuzkoako hiriburuan, droga-trafikoa leporatuta.
Gaueko bederatziak aldera, pertsona batek Ertzaintzara deitu zuen gidari bat alderrai zebilela eta kontrako noranzkoan sartzen zela esanez. Ibilgailu susmagarria Donostiako Lauaizetako zubian geldiarazi zuten, eta gidariak alkoholaren eta/edo drogen eraginpearen egotearen zantzu argiak zituen. Hori dela eta, Udaltzaingoari dagozkion probak egiteko eskatu zioten, eta positibo eman zuen droga-testean.
Ertzainek gorputz-miaketa ere egin zioten, eta arropa artean ezkutatuta aurkitu zioten diru-zorro batean haxix zati bat, lau pastilla eta sei poltsatxo, guztira lau gramo kokaina, zituen. Auto barruan 1.800 euro ere aurkitu zituzten. Ebidentzia horien aurrean, droga-trafikoa leporatuta atxilotu zuten.
