Atzo, igandea, estolda-tapa bat eskuan zuela 23 urteko gizon bat harrapatu zuen Ertzaintzak Beasainen.
Goizeko bost eta erdiak aldera N-1 errepidean zaintza-lanetan ari zen Ertzaintzaren patruila batek auto bat larrialdietako argiak piztuta ikusi zuen Beasaingo Bernedoko aparkalekuan. Bertara hurbildu zenean, agenteek egiaztatu zuten leiho bateko kristala hautsita zegoela eta odol-arrastoak zeudela kristalean. Ertzainek handik metro gutxi batzuetara makurtuta aurkitu zuten gizonezko bat, eskuan estolda-tapa bat zuela eta odola zeriola, eta atxilotu egin zuten.
Aparkatuta zeuden autoak ikuskatu zituztenean, agenteek zazpi auto aurkitu zituzten behartuta eta leihoak hautsita. Horrez gainera, ustezko lapurrak ibilgailuetatik lapurtu zituen objektuak zituen poltsa bat ere aurkitu zuten.
Arrastatua polizia-egoitzara eraman zuten zazpi autotan lapurreta egitea leporatuta. Ertzaintzak ikerketa jarri du abian eta kalteak jasan dituztenen salaketak jaso zain dago, atxilotuak inguruan aparkatuta zeuden eta antzeko kalteak zituzten beste zortzi autotan ere lapurreta egin duen jakin ahal izateko eta arrastatuak poltsan zeramatzan objektuen jabeak aurkitu ahal izateko.
