Atzo goizaldean Ertzaintzak 42 urteko gizonezko bat atxilotu zuen Gipuzkoako hiriburuko hainbat establezimendutan kalteak eta lapurreta egitea leporatuta.
Goizaldeko ordu bata baino zertxobait lehenago, Donostiako establezimendu batera joateko eskatu zioten Ertzaintzari bertako lapurreta-alarma aktibatu zela eta.
Agenteek ate batean kalteak egin zituztela ikusi zuten eta palanka egiteko erabili izanaren zantzu argiak zituzten pikotx bat eta aldamio euskarri bat aurkitu zituzten inguruan.
Jarraian, lokalaren arduradunarekin eta segurtasun-jagolearekin harremanetan jarri ziren, eta jakin ahal izan zuten aldamenean zegoen eta ate bera zuen establezimenduko alarma aktibatu berri zela, eta bertara sartu zirenean gizonezko bat aurkitu zuten.
Gizonezkoari miaketa egin zioten eta dirua, txartel batzuk, armairuak zabaltzeko hainbat eskumuturreko magnetiko eta txanpon-ontzi bat zuen plastikozko poltsa bat aurkitu zizkioten.
Horren aurrean, ertzainek gizonezkoa atxilotu eta polizia-egoitzara eraman zuten.
