Ligako egutegi apetatsuaren ondorioz, Athleticek hiru derbi jarraian jokatuko ditu hurrengo asteetan. Gauzak horrela, Gaizka Garitanoren taldeak otsailaren 9an, igandean, 14: 00etan, Realaren aurka jokatuko du Realaren, hurrengo igandean,18:30ean, Osasuna hartuko du San Mamesen eta 23an, igandean ere, 14:00etan, Alavesen aurka jokatuko du Mendizorrotzan.
LaLiga Santanderreko lehen itzulian, Athleticek ezin izan zuen partida hirukoitz horretatik etekin hoberik atera, garaipena lortu baitzuen hiruretan: 2-0 Realaren aurka 3. jardunaldian, 2-0 Alavesen aurka 5. jardunaldian eta 1-2 Osasunaren aurka 14. jardunaldian. Bigarren itzulian, hiru euskal derbi izango dira jarraian.
Reala Europatik gertu dauden postuetan dago, sailkapeneko 8. postuan, 10 garaipen, 4 berdinketa eta 8 porrotekin. Orain arte etxean 5 partida irabazi ditu, 3 berdindu eta 2 galdu, eta 21 gol alde eta 11 kontra ditu. Bestalde, CA Osasuna talde sendo gisa erakusten ari da Jagoba Arrasateren aginduetara. Orain arte, talde gorritxoak garaipen eta porrot kopuru bera lortu du, 6, eta 10 berdinketa, Athleticen berdinak. Horrekin, Osasuna sailkapeneko erdi aldean dago gaur egun (une honetan, 11. da LaLigako sailkapenean), talde zuri-gorritik 3 puntu atzetik. Deportivo Alavesek itxiko du denboraldi honetako Athleticen euskal derbien zikloa. Gasteiztarrak 13. postuan daude oraingoz Lehen Mailako sailkapenean, 27 punturekin.
