Gizonezko bat atxilotu zuten atzo arratsaldean Bilbon, substantzia sorgorgarriekin trafikatzea leporatuta. Bolueta auzoko ostalaritza-lokal batean zegoen marihuana-usain handiak piztu zituen agenteen susmoak. Ertzainek egiaztatu zuten establezimenduak ez zuela merkataritza-jarduerarik, eta barruan 200 gramo marihuana eta doitasun-balantza bat aurkitu zituzten.
Susmagarria atzo arratsaldeko seietan arrastatu zuten Bilboko Bolueta auzoan. Prebentzio-lanetan oinez ari zen Ertzaintzaren patruila batek marihuana-usain handia hartu zuen taberna baten barruan.
Agenteak lokalean sartu ziren, eta merkataritza-jarduera handirik ez zuela iruditu zitzaien, ez baitzegoen bezerorik eta osasun-egoera kaxkarrean baitzegoen. Establezimenduan sartu ziren ertzainek gizonezko bat ikusi zuten sukaldetik azkar irteten, eta, bere jarrera susmagarria iruditu zitzaienez, identifikatu egin zuten. Agenteek egiaztatu zuten establezimenduaren arduradunak polizia-aurrekariak zituela substantzia sorgorgarrien trafikoagatik, eta lokala miatu zuten, beraz.
Bertan 200 gramo marihuana zituen poltsa bat eta doitasun-balantza bat aurkitu zituzten. Gainera, barra atzean ezkutatuta borra bat eta matxete haundi bat ere aurkitu zituzten. Ebidentzia horien aurrean, ertzainek arrastatu egin zuten lokalaren arduraduna, droga-trafikoaren delitua leporatuta.
Arrastatua, 35 urtekoa, Ertzaintzaren egoitzara eraman zuten dagozkion polizia-izapideak egitera. Horiek amaitu ondoren, datozen orduotan eramango dute epailearen aurrera.
