24 urteko gizonezko bat atxilotu zuten atzo, larunbata, goizeko lehenengo orduan, ostalaritza-establezimendu batean egindako kontsumizioak ez ordaintzeagatik eta zerbitzariei arma zuri batekin hiltzeko mehatxua egiteagatik.
Atzo goizeko zortzi eta erdiak aldera poliziaren laguntza eskatu zuten Deustu auzoko kafetegi batetik, bertako langileek gizonezko bat zutela-eta atxikita lokalaren kanpoaldean, istilua izan ondoren. Inguruan zaintza-lanetan ari zen herritarren segurtasunerako patruila bat berehala hurbildu zen establezimendura, eta susmagarria identifikatu zuen.
Agenteek egiaztatu ahal izan zutenez, gizonezkoak ez zituen ordaindu nahi izan barran egindako kontsumizioak, eta hiltzeko mehatxua egin zien labana zuri batekin zerbitzariei. Hauek, azkenean, arma zuria kentzea lortu zuten eta heldu egin zioten.
Arrastatua 24 urteko gaztea da, eta Ertzain-etxera eraman zuten beharrezko izapideak egitera, horiek amaitutakoan Agintaritza Judizialaren aurrera eramateko.
