Asteburu honetan Ertzaintzak hiru pertsona atxilotu ditu bide-segurtasunaren kontrako delitua leporatuta, Euskadiko errepideetan alkoholaren edo drogen eraginpean gidatzeagatik. Atxiloketak atzo egin zituzten Santurtzin, Trapagaranen eta Oiartzunen.
Atzo beste sei pertsona geratu ziren ikerketapean Ortuellan, Leioan, Sopelan, Zumarragan, Irunen eta Donostian. Gaur, igandea, beste hiru gidari geratu dira ikerketapean Barakaldon, Bergaran eta Donostian.
Gidari horietako sei trafiko-istripuetan inplikatuta egoteagatik geratu dira ikerketapean.
