Terrorismoaren eta indarkeriaren biktimak aitortzeko eta haiei elkartasuna adierazteko, memoria historikoa berreskuratzeko eta giza eskubideak defendatzeko programekin.
Donostiako Udaleko Giza Eskubideen arloak hainbat programa eta jarduera garatu ditu 2019an terrorismoaren eta indarkeriaren biktimei errekonozimendua eta elkartasuna adierazteko, oroimen historioa berreskuratzeko eta giza eskubideen eta bizikidetzaren aldeko hezkuntzan, defentsan eta sentsibilizazioan sakontzeko.
Halaber, Eskura, Aieteko Giza Eskubideen aldeko Pedagogia-baliabideen Zentroa abian jarri du, Foru Aldundiarekin eta Eusko Jaurlaritzako Giza Eskubide, Bizikidetza eta Lankidetzaren Idazkaritza Nagusiarekin batera. Giza eskubideetan hezteko tresnak bildu, sortu eta zabaltzeko eginkizuna duen Zentroa Bakearen eta Giza Eskubideen Etxean (Aiete Jauregian) kokatzen da.
