Gaur goizean gazte bat hil da Usurbilen gertatu den istripu larri batean, autoa errepidetik atera ondoren. Ertzaintzak lekukoak eskatzen ditu istripuaren arrazoiak argitzeko.
Zoritxarreko istripua gaur goizeko bederatziak eta hamarrean gertatu da GI-20 errepidean, Usurbil parean. Errenteriarako noranzkoan zihoan autoa errepidetik atera da eta pendizean behera erori da. Istripuaren ondorioz, autoa iraulita geratu da, eta gidaria barruan harrapatuta. Biktima erreskatatu dutenean, osasun-zerbitzuek heriotza ziurtatu baino ezin izan dute egin, lesio larriak baitzituen.
Hamar eta erdietan eskuineko erreiak itxita jarraitzen du bertara hurbildu diren laguntza-zerbitzuen lanak errazteko, eta kilometro inguruko auto-ilarak daude.
