Azkuna Zentroa – Alhóndiga Bilbao Bilboko Udaleko Gizarte eta Kultura Garaikideko Zentroak, Gutun Zuria, Bilboko Letren Nazioarteko Jaialdiaren edizio berria hartuko du martxoaren 31tik apirilaren 4ra bitartean. Gutun Zuriak, bigarren urtez jarraian, hitza literatura-sistematik haratago enfokatzen du, liburuen orrialdeen muga gaindituz eta musika, artea, ahotsa, edizioa edo kultura digitalekin elkarrizketa sortuz.
Kulturako zinegotzia Gonzalo Olabarriak, Azkuna Zentroko zuzendaria Fernando Pérezek eta Mediatekako arduraduna Alasne Martínek aurkeztu dute aurtengo programa gaur goizean.
Saiakera hemen hasten da izenburupean, topaketa saiakera kolektibo gisa proposatzen da eta denbora errealean; prest dago, zenbait euskarritatik, gizartean normaltasun-itxura baten pean gertatzen ari diren eraldaketen angeluetara hurbiltzeko. Gutun Zurian, saiakerari buruz egingo dugu hausnarketa, literatura-genero gisa duen izaeratik harago joz, kultura-prozesutzat, pentsamendu garaikidetzat eta, azken batean, kulturan jarduteko eredutzat hartuta.
Hori guztia, uste sendo batetik abiatuta: saiakerak egitea ez da literatura-genero baten edo lanbide baten gai esklusiboa, baizik eta jarrera baten ondorioa, besteak beste, zirriborroa, planoa, arloko-entrenamendua eta laborategiko esperimentua.
Hala bada, jaialdia zabalik dagoen testu gisa proiektatuko da, gai hauek hizpide hartuta: Big Data eta feminismoa, duintasunaren eta duintasun ezaren aurpegi ugariak, artea praktika eta diskurtso gisa, trap-aren filosofia millenniala, mutazio betean dagoen euskal literaturaren eredugarritasuna eta argazki finkoa, transkulturala eta transexuala, fikzioa eta egia, testua eta gorputza. Horrela, saiakeraren esperimentazioaren ernamuina Azkuna Zentroa – Alhóndiga Bilbaoren programazioan eta Proiektu Programaren ildo estrategikoetan txertatzen da: gorputzak, teknologia eta hiria.
