Eusko Jaurlaritzako Turismo, Merkataritza eta Kontsumo Sailak prebentzio-protokolo bat sortu du Euskadiko merkataritza-sektoreari zuzenduta. Bertan, merkataritza-sektoreko enpresetan ezarri beharreko jardunbide egokiak azaltzen dira, agente birikoen kutsatzea prebenitzeko eta minimizatzeko, bai langileena, bai kontsumitzaileena.
Horretarako, kontuan hartu dira Osasun Ministerioak, Industria, Merkataritza eta Turismo Ministerioak, Eusko Jaurlaritzako Osasun Sailak eta Eusko Jaurlaritzako Turismo, Merkataritza eta Kontsumo Sailak egindako jarraibideak eta gomendioak.
Protokoloan eragile guztien ahalegina eta erantzunkidetasuna eskatzen da pertsonen eta enpresetako kide guztien babesari erantzuteko orduan, Laneko Arriskuen Prebentziorako Legeak berak eta osasun-agintariek ezartzen dutenari jarraituz.
COVID-19 birusaren hedapena prebenitzeko eta minimizatzeko kide bakoitza katearen zati baten erantzulea da,
