Uraren Euskal Agentziak gogorazten du ezinbestekoa dela 112ra deitzea ez ohiko isurketaren bat antzemandakoan larrialdiak kudeatzeko protokoloa abiarazi eta erakundeak koordinatzeko; are garrantzitsuagoa, orain, koronabirusari aurre egiteko neurriek gure langileei ere ezarritako mugimendu-murriztea ekarri duten honetan.
Egoera hori gorarbehera, ez ohiko isurketen kontrola egiten jarraitzea ezinbestekoa da, eta hartara, herritarren laguntza premiazkoa. Alde batetik, 112ra deitzearen beharraz jabetuz; eta bestetik, ibaian ez ohiko isurketarik gerta ez dadin, arduraz jokatuz.
Koronabirusa agertu izanak URAren egunerokoan eragindako neurriak
Martxoaren 14ko 463/2020 errege dekretuak COVID-19k eragindako osasun-krisia kudeatzeko alarma-egoera deklaratu ondoren, URAren eguneroko kudeaketan eragindako aldaketa nabarmenenak honako hauek dira:
- Aurrez aurreko arreta bulegoetan etenda.
Alarma-egoeraren adierazpenaren ondoren, aipatutako aldian eten egin da aurrez aurreko arreta gure bulegoetan. Komunikabide elektronikoak erabiliz edo 945011700 telefono bakarrera deituta artatuko da herritarra. Edozein zalantza argitzeko idatzi kontsulta-gutunontzira Kontsulta-gutunontzia.
- Hautapen prozesuetan izena emateko epeak etenda
Uraren Euskal Agentziak abiarazitako hautapen prozesu hauetan izena emateko epeak eten egin dira, behin behinean: – Ur-aprobetxamenduen arduraduna – Lan-baimen arduraduna – Jabari publikoa kudeatzeko 3 teknikari – Lan hidraulikoen 4 teknikari – Uholde-prebentzioko bi teknikari.
Uraren Euskal Agentziak abiarazitako hautapen prozesu hauetan izena emateko epeak eten egin dira, behin behinean: – Ur-aprobetxamenduen arduraduna – Lan-baimen arduraduna – Jabari publikoa kudeatzeko 3 teknikari – Lan hidraulikoen 4 teknikari – Uholde-prebentzioko bi teknikari
- Administrazio-, preskribatze- eta iraungitze-epeak eten dira alarma-egoeraren eta, hala badagokio, hartzen diren luzapenen indarraldian.
Halaxe jaso da honako ebazpenean: Ebazpena, 2020ko martxoaren 16koa, Uraren Euskal Agentziako zuzendari nagusiarena, kontratazio-prozedurei eta haien izapideei dagokienez, administrazio-, preskribatze- eta iraungitze-epeak eteten dituena (PDF, 242 KB, Gaztelaniaz)
