Langileen osasuna ahalik eta gehien babesteak bateragarria izan behar du ekoizpen-jarduerari eustearekin, nahiz eta maila murritzetan izan; izan ere, pandemia gainditu ondoren, hazkunde ekonomikora itzultzea eta enplegua sortzea ahalik eta modu azkarren eta eraginkorrenean egin ahal izatea da azken helburua. Horretarako, ezinbestekoa da jarduera-protokolo industrial argi eta erraz bat ezartzea, zorrotz bete dadin.
Eusko Jaurlaritzako Ekonomiaren Garapeneko eta Azpiegituretako Sailak Elikadura Balio Katearen eskura jarri du KORONABIRUSARI (SARS-CoV-2) AURRE EGITEKO JARDUKETA PROTOKOLOA ezartzeko kontsulten zerbitzu teknikoa. Protokolo hori arrantza ontzi, nekazaritza eta abeltzaintza ustiategi eta elikagaien industrietarako da.
