Apirilaren 12ko datuen azken eguneratzean, Arabako zahar egoitzen 2 erabiltzaile hil dira, COVID-19ren positibo zirenak. Azken aste hauetan zenbait egoiliarren osasun egoera okerragora joatearen ondorio dira heriotza horiek. Era berean, behera egin du kutsatutako pertsonen kopuruak, eta 35eraino igo da koronabirusa izan eta sendatu diren egoiliarren kopurua.
Koronabirusak sortutako osasun krisia hasi zenetik, guztira 116 pertsona hil direla kontabilizatu da.
Halaber, kutsatutako pertsonen kopuruak behera egin du, datuen azken eguneraketan erregistratutako 388 pertsonetatik gaur egungo 383 pertsonetara.
Egoitza zentroek pertsona horietako 28 ospitaleetara bideratu dituzte, haien egoera osasun larriarengatik, eta koronabirusa duten pertsona gehienak zaintzeaz arduratzen dira (355). Kasu positiboetatik, 228 Araban dauden zentro pribatuen erabiltzaile dira, 147 foru egoitzetan bizi dira eta gainerako 8ak, lurraldeko udal zentroetan.
Zentro horiek 3.900 plaza inguru dituzte 96 ekipamendutan banatuta, egoitzen, etxebizitza komunitarioen eta apartamentu tutelatuen artean. Lau egoitzatik hiruk ez dute COVID-19 kasurik erregistratu.
