Ertzainek 43 urteko gizonezko bat atxilotu zuten atzo goizean Ortuellan, etxe batean beheko solairuko barroteak behartuta sartu ondoren lapurreta egiten saiatzeagatik.
Atzo goizeko zazpi eta erdiak aldera gertatu zen Ortuellako Ralera auzoan. Inguruko bizilagun batek eman zion Ertzaintzari etxebizitza batean izandako lapurretaren berri, eta inguruan patruilatzen ari ziren agenteak hurbildu ziren bertara. Agenteek sumagarria etxetik presaka irteten eta handik hurbil dagoen baso batean sartzen ikusi zuten, eta zuhaitz batzuen atzean makurtuta aurkitu zuten. Agenteek susmagarriak etxebizitzan egindako kalteak aztertu zituzten, eta, beheko solairuko leiho bateko segurtasun-barroteak behartuta zeudela egiaztatu ondoren, indarra erabiliz lapurreta egitea leporatuta atxilotu zuten.
Arrastatuak polizia-aurrekari ugari ditu, eta datozen orduotan eramango dute Epaitegira.06
