Ertzainek 33 urteko gizonezko bat atxilotu zuten astearte goizaldean Lezon, indarra erabiliz garaje batean lapurreta egitea leporatuta. Uste da gizonezkoak zerikusia duela Lezon azken bi hilabeteotan egindako antzeko beste hogei bat lapurretarekin. Errenteriako Ertzain-etxeak zaintza-dispositiboak ezarri zituen gauez garaje eta trastelekutan egindako lapurretekin sortutako alarma sozialaren ondorioz, bizilagunek salaketak jarri baitzituzten bai Ertzaintzan bai Lezoko Udaltzaingoan. Asteartean patruila batek in fraganti harrapatu zuen lapurra, eta garaje batean lapurreta egin eta irten zenean arrastatu zuen.
Maiatzaren 5ean, astearte gauean eta goizaldean, ertzainek lapurreten prebentziorako beste dispositibo ezarri zuten Lezon. Dispositiboaren helburua zen konfinamenduaren eta alarma-egoeraren azken aste hauetan, eta beti modus operandi bera erabiliz, hau da, sarrailak behartuta, ateak palankaz irekita eta ?irristatze? metodoaren bidez, lapurretan ari zena aurkitzea. Ertzaintzak eta Lezoko Udaltzaingoak otsailaren amaieratik, azken bi hilabete hauetan, hogeita bat salaketa jaso dituzte.
Asteartean ezarritako zaintza-dispositiboan, 03:00ak aldera, Lezoko herrigunean zeuden ertzainek zaratak entzun zituzten Larrun kaletik Karlos Saldise plazara bitartean hainbat garaje dauden eremuan.
Patruilak eskailera batzuetan gora igota ikusi eta zaindu zuen garaje batera sartzeko ateko sarraila manipulatzen ari zen gizonezko bat, eta bonbina behartuta barrura sartzen ikusi zuten. Denbora pixka batean barruan egon ondoren gizonezkoa irten zenean, agenteek identifikatu egin zuten, eta hainbat erreminta, besteak beste, bihurkinak, aliketak, kuterrak, kalibrazio-galgak, linterna bat eta eskularru-poltsak zeramatzala egiaztatu zuten. Material horietako batzuk garajetik bertatik lapurtu zituen.
Polizia-baliabideek indarra erabiliz lapurreta egitea leporatuta atxilotu zuten. Gizonezkoa arrastatu ondoren, agenteek ikertzen jarraitu zuten, eta kasuaz arduratzen ari diren ertzainak astearte iluntzean sartu ziren atxilotuak Lezon bertan duen garaje batean, eta salatutako lapurretetakoak izan daitezkeen objektuak eta ebidentziak konfiskatu zituzten. Ebidentzia horien artean, hautsitako sarrailen bederatzi bonbin zeuden.
Polizia-izapideak amaitutakoan, atxilotua gaur, osteguna, eraman dute Donostiako guardiako epaitegira.
