Ertzainek adingabe bat atxilotu zuten atzo, asteartea, goizean, Urduñako etxe batean joan den otsailean indarra erabiliz egindako lapurreta batean inplikatuta egoteagatik. Ustezko bere konplizea oraingoz ez dute aurkitu, eta ikerketapean dago, beraz.
Arrastatu duten adingabeari leporatzen dioten lapurreta joan den otsailaren 27an egin zuten Urduñako etxe batean. Egun horretan, arratsaldean, etxekoak itzuli zirenean, bi gazte aurkitu zituzten etxe barruan, eta harrapatu egin zituztela konturatu zirenean korrika alde egin zuten eta ezin izan zituzten atzeman. Gertatutakoaren berri izan ondoren, Ertzaintzaren patruila bat hurbildu zen bertara, eta ustezko lapurrak etxean terraza batetik sartu zirela egiaztatu zuen. Terrazako beiratea hautsita zegoen, eta barruan dena hankaz gora.
Laudioko Ertzain-etxean abian jarritako ikerketari esker identifikatu ahal izan zuten delituan inplikatuetako bat, adingabea, eta atzo goizean, beharrezko frogaketak egin ondoren, indarra erabiliz lapurreta egitea leporatuta atxilotu zuten. Ustezko bere konplizearen identitatea argitu duten arren, oraingoz ez dute aurkitu, eta ikerketapean dago, beraz.
Poliziaren egoitzan dagozkion eginbideak amaitu ondoren, arrastatua Adingabeen Fiskaltzaren esku utzi zuten.13
