Azkuna Zentroa-Alhóndiga Bilbaok, Bilboko Udaleko Gizarte eta Kultura Garaikideko Zentroak, X Urte, X Zirriborro proiektu artistikoa aktibatuko du bere sare sozialetan maiatzaren 18an, astelehena, zentroko ateak ireki zirenetik 10 urte betetzen diren egunean.
Urteurrena irailean ospatuko da, baina zentroak oroitzapenezko proiektu hau abian jarri nahi izan du bere ohiko programazioko artisten eta konplizeen eskutik.
Egun horretan bertan, duela 10 urte, lan handiko urte batzuen ondoren, Alhóndiga Bilbao zenaren ateak zabaldu zituen Udalak, eta aisi eta kultura gune berri bati bide eman zion, zerbitzu publikotik kulturara iristeko modu berri batekin.
Efemeridea ospatzeko, proiektu bat jarri da abian, eta bertan bertako hamar artista aritu dira lanean, kultur proiektu honi buruz duten ikuspegia eskainiz.
Hauek dira: Elena Ciordia, Higinia Garay, Mario Gaztelu, Naiara Goikoetxea, Pernan Goñi, Ane Pikaza, Aitor Saraiba, Leire Urbeltz, Josune Urrutia eta Sandra Erre. Zentroari Fatxada Proiektua. Diseinua, ilustrazioa eta komikia eta dendAz. This is basque design proiektuen bidez lotutako artistak.
X urte, X zirriborro, amaitu gabeko zirriborroen eta ilustrazioen proiektu bat da, eta haren emaitzak arte-saiakera bat osatzen du, «garenari eta nola ikusten dugun, orain eta etorkizunean», azaltzen dute Zentrotik.
Azkuna Zentroak tokiko hamar artista, ilustratzaile, diseinatzaile eta komikilari horiei eskatu dizkien lanak Zentroko sare sozialetan partekatu ahal izango dira maiatzaren 18an, astelehena, ospakizun-ekitaldi kolektibo batean. Gainera, oroitzapenezko orriak laster egongo dira eskuragarri dendAz-en.
Gaur egungo egoera dela eta, Azkuna Zentroak ezin izan du X. urteurrena aurreikusi bezala ospatu, baina ez du hain data seinalatua pasatzen utzi nahi izan. Horregatik jarri du abian ekimen hau, eta 10 urte hauetan zentroarekin lotura emozionala sortu duten pertsona guztiak partaide izan ahal izango dira. Hala, bat egin ahal izango dute Azkuna Zentroa – Alhóndiga Bilbaok ateak ireki zituen egunaren ospakizunarekin.
