Iñigo Urkullu Lehendakariak gaur arratsaldean inauguratu du Bilbo, Gasteiz, Madril, Erroma, Paris, Washington, Florida, Brusela, Tokio eta Tanegashima uhartetik egindako jaurtiketa ekitaldia, Arantxa Tapia Ekonomiaren Garapen eta Azpiegituretako sailburuarekin eta Cristina Garmendia SATLANTISeko presidentearekin batera.
JAXA espazio agentziak zuzentzen duen HTV-9 misioaren bidez egin da jaurtiketa Nazioarteko Espazio Estaziorako (ISS) bidean. Bidaiak 4 egun iraungo ditu estazioaren abiadura 27.580 km/h-ra iritsi arte.
Lehendakariak, bere hitzaldian, ikerketaren garrantzia eta ekoizpenarekin eta aplikazioarekin duen lotura azpimarratu du. Esan duenez, proiektu honek Euskadin egindako inbertsio hirukoitzari erantzuten dio:
– Ikerketaren aldeko apustu irmoa;
– Goi-mailako teknologia ekoiztea ahalbidetzen duen ekosistema industriala; eta
– Ingurumena eta bizi-baldintzak hobetzeko erabiliko den emaitza.
«Proiektu honek ikerketa eta teknologia, ekoizteko gaitasuna eta ingurumenaren hobekuntza batu ditu. Basque Research and Technology Aliance-n jasotako gaitasunak «, esan du.
Enpresako arduradunek azaldu dutenez, jaurtiketa honek tamaina honetako kamera batek espazioan erresoluzio submetriko bat lortzen duen lehen aldia da. Japoniarra ez den teknologia bat ISS japoniar eremuan instalatzen den lehen aldia ere bada.
Ekitaldi honen inguruan antolatutako mahai-inguruan, Satlantiseko CEO Juan Tomas Hernanik moderatu du, eta Karmelo Sainz de la Maza (Elkarkidetzako presidentea), Javier Ponce (CDTIko zuzendari nagusia), Paolo Minciacchi (e-GEOSeko CEO, Telespazio), Jean Jacques Dordain (ESAko zuzendari nagusi ohia), sean o ‘Keefe (ESAko zuzendari nagusia) izan dira bertan.
