Mercabilbaok beste operatibo bat jarri du martxan, fruten eta ortuarien sektoreko txikizkarien kolektiboaren eskaerei erantzuteko eta, aldi berean, Euskadiko agintariek ezarritako osasun eta segurtasun betebeharrak betetzeko.
Eusko Jaurlaritzako Segurtasun Saila, Basauriko Udaltzaingoa eta Mercabilbao ados jarrita, fruten eta ortuarien erosleentzat indarrean jarriko diren kontrol neurriak hauek izango dira:
- Txikizkarien ibilgailuen matrikula bikoitien/bakoitian sistemaren bidez sartzeko txandak antolatuko dira, instalazioetara sartzeko ordua aldez aurretik jakin ahal izateko.
- Edukiera handituko da txikizkarien ibilgailuen sarbiderako ezarritako parametroak bete ahal izateko. Txanda bakoitzeko 150 ibilgailutik 225era pasatuko da.
- Erosteko denbora ordubetetik ordu eta erdira luzatuko da.
Horrela, Elikagaien Unitateak instalazioetara sartzeko txanda bakoitzean itxaronaldiak eta ibilgailu kopurua murriztea aurreikusten du, eta horrek merkatuan egunez egun lan egiten duten pertsona guztien antolaketa eta lana erraztuko du. Gainera, agintariek eskatzen duten bezala, zenbait instalazio Basauriko herritarrek erabiltzeko egokitu ahal izango dira, orain arte disuasio-gune moduan erabiltzen ziren Basauriko Udal Kiroldegiko aparkalekuak, eta Artunduagako errepidearen bazterbidea, besteak beste. Era berean, A8 autopista kolapsatzea saihestuko da, ibilgailuen zirkulazioa berriro normalizatzen ari baita.
Arrainaren sektorearen kasuan, hornikuntzako merkatura sartzeko operatiboak egungo funtzionamenduarekin jarraituko du. Izan ere, salmenta sistema modu desberdinean egiten da, malgutasun handiagoa ahalbidetzen du, kopurua txikiagoa delako eta orain arte normaltasunez funtzionatu duelako.
Era berean, Mercabilbaok gogorarazi gura du indarrean jarraitzen dutela orain bi hilabete baino gehiagotik merkatuan egunero lan egiten duten pertsonen osasuna bermatzeko ezarritako osasuneko eta segurtasuneko neurriek (eguneratzen dira):
- Handizkarien eta Fruten eta Ortuarien txikizkarien elkarteekin adostutako ordutegiak orain arte bezala jarraituko du: astelehenetik ostiralera, 05:30etatik aurrera. Arrainaren eta itsaskiaren sektoreari dagokionez, 04:30etatik aurrera izango da sarrera, salmenta-postuak zabaltzen diren orduan, hain zuzen ere.
- Modu uniformean, salmenta postuak balizatuta egon behar dute 2 metroko banaketa ezarriko duten bi lerrorekin, eroslearen eta saltzailearen artean gutxienez 2 metroko tartea bermatuz.
- Merkantziak postu bakoitzaren atzeko ateetatik aterako dira.
- 2 metroko zabalera duen igarobidea pertsonak ibili daitezen mugatzen da, ez merkantziak eramateko. Igarobideak kontrolatzeko neurriek orain arte bezala jarraituko dute.
- Salmenta postuetan saltzaileak egongo dira. Erosleak sartzekotan, pertsonen arteko 2 metroko distantzia bermatzen bada baino ezin izango dira sartu.
- Erosleak, oro har, banaketa lerroaren atzean egon beharko dira, eta euren artean ezarritako segurtasun-tartea errespetatu beharko dute, eta, beharrezkoa bada, hutsik dauden igarobideetan ilarak egingo dituzte.
- Gaur egun, derrigorrezkoa da maskarak erabiltzea, erabilera publikoko espazio itxia delako. Enpresa handizkarietako langileei norbera babesteko gainerako ekipamendua erabiltzea gomendatzen zaie.
- Mercabilbaora sartzeko errepidean zain dauden ibilgailuen egonaldia mugatu egingo da. Ibilgailuen eta pertsonen kontzentrazioak saihesteko, sartzeko ordua baino ordu laurden lehenago soilik iritsi ahal izango da. Ordu hori desberdina izango da frutaren eta arrainaren sektorerako.
- Mercabilbaoko enpresetako langileentzat sarbide espezifikoa ezarriko da, garraiolariak eta erosleak ez oztopatzeko.
- Neurri guztiak ez betetzeagatik zigorrak jarriko direla ohartarazten da, pabiloien barruan eta barruti osoan denbora amaitu ondoren ez joateagatik, edo merkatuko instalazioen kanpoaldean sartzeko 15 minutu baino gehiago itxaroteagatik.
Mercabilbaok gogorarazi gura du, gainera, neurriak betetzeko erantzukizuna salmenta postuen enpresa titularrena dela, pertsonen, langileen eta erosleen banakako erantzukizuna ahaztu barik.
Mercabilbaok Merkatuaren funtzionamendu hobea errazten duten zenbait iradokizun ere gogorarazi gura ditu:
- Saltoki guztietarako adina genero dago; beraz, txikizkariak ezarritako orduan joan daitezke eta, horrela, instalazioen sarreran eta kanpoaldean pilaketak saihestu.
- Erosketekin erlazionatutako kudeaketak bitarteko telematikoen bidez egitea, Mercabilbaora aurretik itxitako eskaerak jasotzera bakarrik joanda, horrela presentzia fisikoa murriztuz.
- Transakzioetan eskudirua ez erabiltzea, birusa ez transmititzeko.
Mercabilbaotik, edozein neurri murriztaile ez dela atsegina jakinda, pazientzia eta ulermena eskatzen jarraitzen dugu, herritar guztien osasunari eragiten dion salbuespenezko egoeran gaudela kontuan izanda; izan ere, orain arte emaitza onak eman ditu, eta ezin gara lasaitu.
