Ertzainek 29 urteko gizonezko bat atxilotu zuten atzo, astelehena, goizean, adineko emakume bati, Deustuko auzoan bizi den eraikinean sartzera zihoala, indarkeria erabiliz ustez lapurreta egitea leporatuta. Inplikatua atzetik hurbildu zitzaion biktimari, eta tira eginda urrezko katea kendu zion eta lepoan eta ezpainean lesioak eragin zizkion.
Joan den astelehenean, maiatzaren 25ean, gaueko hamar eta erdiak aldera, emakumea txakurrarekin pasiatzetik itzuli zenean, autoen garajeko arrapalaren ondoan dagoen oinezkoentzako atea ireki zuen Deustuko auzoan bizi den higiezinean sartzeko. Halako batean, norbaitek lepotik heldu zion, eta indarkeria erabiliz urrezko katea eta hiru zintzilikario kendu zizkion, guztien balioa 1.200 euro ingurukoa izanik. Lapurreta egitea lortu ondoren, lapurrak ihes egin zuen. Biktimari zauriak eragin zizkion lepoan eta ezpainetan, eta anbulatorioan artatu behar izan zuten, beraz.
Ertzaintzak, lapurretaren berri izan zuenean, dagokion ikerketa jarri zuen abian gertatutakoa argitzeko eta ustezko lapurra identifikatzeko. Ikerketari esker, atzo, astelehena, goizean atxilotu zuten ustezko inplikatua Bilbon.
Dagozkion polizia-izapideak egin ondoren, atzo arratsaldean eraman zuten Epaitegira.
