Eneko Goia Donostiako alkateak batzorde ez-iraunkor bat sortzeko proposamena aurkeztu du. Bere zeregina Igeldoko gaiak kudeatuko dituen Tokiko Erakunde Txiki bat eratzea sustatzea izango da. Erakunde Txiki horrek autonomia maila handia ematen du, hirigunearen nortasun partikularra bermatzeko gai dena.
Goiak adierazi duenez, batzorde horren helburua “Igeldoko deszentralizazio administratibo eraginkorrari lagunduko dion erakundea eratzeko prozedura hasi aurreko lege-esparrua aztertu eta adostea” da.
Udal-hauteskundeekin batera, ordezkariak zuzenean aukeratzeak, erakunde adierazgarri bat emango dio Igeldori. Horrela, Udalarekin argi eta garbi hitz egiteko aukera emango du, Igeldoko hiriguneko bizikidetza atseginagoa izan dadin Donostiako udal-mugartean.
Alkateak adierazi duenez, “legealdi honetako gobernu-programan hartu zen konpromisoa da hau, udal eraginkorragoa, hurbilagoa eta parte-hartzaileagoa lortzen lagun diezagukeen tresna gisa”.
Batzorde ez-iraunkor hau 3 hilabetean behin bilduko da, Tokiko Entitate Txiki hau eratzeko prozedura hasteko erabakia hartu arte.
