Azkuna Zentroa-Alhóndiga Bilbao jarduera pixkanaka berreskuratzen ari da. Hala, Jarduera Fisikoaren Zentroa eta ikasgela berriro ireki dira. Gainera, mailegu eta itzulketetarako jendearentzako arreta gunea, Atrioan kokatua, Mediatekako lehen solairura aldatu da.
Jarduera Fisikoaren Zentroa pixkanaka irekitzen hasiko da eta gimnasioa eta kirol funtzionaleko aretoa martxan jarriko dira. Gune horietako edozein erabiltzeko, aurretik hitzordua eskatu beharko da, erreserbak web gunean (Jarduera Fisikoaren Zentroa / sarreren salmenta) edo JFZ-ren mostradorean aplikatuz.
Jarduera fisikoaren zentroa, zentroa bezala, egunero irekiko da, 10:00etatik 20:00etara. Gehienez ere ordubetez erabiltzen ahalko dira espazioak, edo ordu eta laurden batez gimnasioaren kasuan, eta erreserbak gehienez ere 7 egun lehenago egin beharko dira.
Zentroak ekipamendu guztien edukierak egokitu ditu, arautegira moldatuz, pertsonen arteko segurtasun tartea bermatzeko. Gainera, espazio horiek erabiltzen dituztenek txartel fisikoarekin sartu beharko dute (kontrol digitaleko sarbidea baliogabetu egingo da higieneagatik). Era berean, aparteko neurriak ezartzen dira, hala nola gimnasioan eta areto funtzionalean bi eskuoihal erabiltzea, eskuoihal txiki bat erabilera pertsonalerako, eta oihal handia makina erabiltzen den bitartean makina estaltzeko, uneoro ahalik eta garbiketarik handiena bermatzeko.
