Bilboko Udalak hiriko haur-parkeak ireki ditu berriro haurrek haietaz goza dezaten.
Gune horiek berriro ireki aurretik –guztira, 165 eremu–, Udal Zerbitzuak horiek garbitzeaz, higienizatzeaz eta prest jartzeaz arduratzen ari dira.
‘Normaltasun berria’ iristearekin batera, aire zabaleko kirol-espazioak –41 zona bioosasungarri eta 96 kirol-instalazio– ere zabalik egongo dira herritarrek erabil ditzaten.
Nolanahi ere, Udalak Bilboko bizilagunei eskatzen die erne egon daitezela, eta gogorarazten die garrantzitsua dela osasun-agintariek ezarritako jarraibideak errespetatzen jarraitzea, bai bide publikoan, bai edozein udal-gunetan. Neurriak, hala nola eskuak garbitzea eta maskara espazio itxietan erabiltzea, bai eta ezarritako gutxienez metro eta erdiko distantzia fisikoa gordetzea ezinezkoa den espazio irekietan ere.
Gainera, ezarritako segurtasun-distantzia hori bermatzeko, edukiera mugatu da sei urtetik beherako haurrentzako instalazio batzuetan (adin-tarte horretan maskara erabiltzea ez da nahitaezkoa). Edukiera mugatzeko, kasu horietan, elementu batzuk aldi baterako ixten dira.
