Udalak, Ekonomia Sustapeneko Zinegotzigoarekin batera, eta Donostiako Sustapenaren bidez, Ekonomia Suspertzeko Plana (PREK) jarri zuen martxan, Covid-19ren krisiaren ondorioz. Jarduera horrek bere horretan jarraitzen du, ekintzaile berriei laguntzea eta gazteak kontratatzea xede duten hainbat neurriri esker.
Ekonomia Bultzatzeko zinegotzi Enrique Ramosek adierazi zuenez, «Krisiek ideia berrien sorrera aktibatzen dute, eta ideia horien ondorioz ekintzailetza-prozesuak hasten dira, norberaren kontura lan-merkatuan sartzea bilatzen duten pertsona askoren lan-etorkizunerako alternatibak eskaintzen dituztenak. Erregistratutako langabeziari buruzko datuek erakusten dute pandemiaren eraginez lanpostua galdu duten gazteen gorakada, eta horrek hainbat laguntza bultzatzera garamatza, hala nola talentu berritzaileari laguntzekoa, sinatutako kontratu bakoitzeko 20.000 eurorainoko zenbatekoarekin, edo Ikerketa Programa, gazte langabeei ikerketa-arloan hasten lagunduko dieten ezagutza-jarduera intentsiboetara bideratua. Ekintzailetzaren esparruan, laguntzek espektro zabal bat estaltzen dute, eta, horren barruan, aholkularitza ematen da proiektuen inkubagailuaren bidez edo espiritu ekintzailea suspertzeko programen bidez, bai eta enpresa bera eratzeko diru-laguntzen bidez ere, eta handitu egiten dira proiektu berritzaileen kasuan emandako zenbatekoak, proiektu horiek emakumeek bultzatutakoak, kontziliazio-beharrak edo Donostiako Ekialdeko auzoetan kokatutako negozioak badira».
Horretarako, hainbat laguntza aktibatu ditu:
- Gazteen kontratazioa laguntzea, lizentziadunak zein langabeak
- Enpresak sortzea
- Proiektu berritzaileak sortu eta finkatzea.
Laguntza eta zerbitzu guztiak Sustapenaren webgunean eska daitezke.
