Lehen sektorearen aldeko apustua berretsi du Hondarribiko Udalak Agroaldean burututako ekitaldi batekin. Zimizarga auzoan dagoen baratze handien gunean elkartu dira Juan Luis Silanes Ingurumen zinegotzia, Behemendi Elkarteko Mikel Zendoia eta Leire Etxaide zein Mikel Huarte, Agroaldean lan egiten duten bi profesional.
“Hondarribiko Udala lehen sektorea eta, zehazki, tokiko produktua sustatzen eta balioesten ari da, Hondarribia Abian Enplegu eta Garapen Ekonomikorako Planaren esparruan” esan zuen Silanes zinegotziak.
“2012ko urrian Hondarribiko Udalak Hondarribiko Hondarribia Abian martxan jarri zuenetik, ekintza ugari egin dira lehen sektorea bultzatzeko. Hala, azokaren eta agroaldearen inguruko jarduerak oinarrizkoak dira. Agroaldeak, Behemendiren laguntzarekin, pertsona berrien sarbidea eskaini nahi du nekazaritza-ekoizpen ekologikoan”.
“2014an nekazaritzako aldea martxan jarri zenetik, hainbat ekintza eta inbertsio egin dira, eta Agroaldea osatzen duten 3 lurzatiek behar bezala funtzionatzeko behar diren azpiegiturez hornitzen joan da. Gure helburua, besteak beste, Km0 nekazaritzaren alde egitea eta kalitatezko produktua eskaintzea da”.
“Gaurko ekitaldiarekin, Agroaldearen informazio-panela instalatuta, horren guztiaren atzean dagoen lana azpimarratu nahi da, baita haren filosofia eta udalerriarentzat, lan egiten dutenentzat, produktuak kontsumitzen dituztenentzat eta, nola ez, gure lurrarentzat eskaintzen dituen abantailak ere” esan du Mikel Zendoiak.
