Gaur arratsaldeko 19:30etan, Zinema Zikloaren lehenengo filma jarriko dute Biteriko pantailan. Datozen egunetan ere izango da Zinema Zikloa, bihar, etzi eta ostiralean hain zuzen. Biharkoa, `Ez eskerrik asko! Gladysen Leihoa´ izango da
Euskal Zinema Zikloa antolatzen den bigarren deialdia da urte honetakoa, eta helburua da, «gai desberdinen inguruko filmak eskaintzea, guztia euskal ekoizpenak izanik». Gai askotako filmak dira, hala ere, gehien erakutsiko diren pelikulak, gai sozialak lantzen dituen dokumentalak izango dira.
Gaur hasi eta ostiralean amaituko da Zinema Zikloa, beraz, filmak eskaintzearekin batera, egileekin edo eragileekin solasaldia egitea ere sustatzen dute, «gai zehatz baten inguruan gehiago ezagutzeko eta zuzeneko protagonistekin harremanetan
jartzeko ».
