#BilbaoUda2020 programak kulturako 10 plan ditu programatuta uri osoan, herritar guztiak dibertitzeko eta tokiko kultura-eragileekin gozatzeko, uritik atera beharrik izan gabe.
#BilbaoUda2020 Bilboko Udalaren kultura-proposamena da, eta aurtengo uda kalitatezko planez beteriko garaia da. Aisialdirako eta kulturako 150 jarduera baino gehiago daude #BilbaoAurrera Udal Planean. Alde batetik, auzotarrek, bizilagunek eta bisitariek gozatzeko diseinatu da eta, bestetik, COVID-19aren ondorioak arintzeko pentsatu da, egungo egoerak gehien kaltetu dituen sektore profesionaletan.
PROGRAMAZIOA, BARRUTIEN ETA DATEN ARABERA
Abuztuaren 10a, astelehena
BARRUTIA – DEUSTU
19:30ean, Natxo Montero Danzak ‘Barbecho humano’ ikuskizuna eramango du Deustuko Botikazar parkera. Artistak kale-mugimenduko pieza proposatzen du. Lurra itxarotearen eta ziklo berri batean sartzearen metafora gisa planteatzen du. Sarrera librea izango da, lekua bete arte.
3. BARRUTIA – OTXARKOAGA-TXURDINAGA
Abuztuaren 10ean, astelehena, 12:00etan, Monda Lironda Pailazoak Txurdinagako Europa parkean agertuko dira umeekin jolasteko. Pailazoak, publikoaren laguntzarekin, desio horietako bat gauzatzen saiatuko dira. Sartzea librea izango da, lekua bete arte.
Abuztuaren 4a, martitzena
2. BARRUTIA – URIBARRI
Matikoko Uzturre plazan gertakari paregabea izango da: Arístides Smithek eta Shasha Cannoli laguntzaileak gizateriaren lehen base jauzia egin nahi dute, beren izena historian grabatuz. Goitiberaren eta haren ‘Yijaa!!!’ ikuskizunaren eskutik, anabasa baten lekuko izan nahi duen oro 19:30ean etorri behar du hara.
6. BARRUTIA – ABANDO
Abuztuaren 11n, martitzena, 12:00etan, Hortzmuga konpainiak, ospetsua Euskadiko kaleko antzerkiaren arloan, “Jule” aurkeztuko du. Eurek hala esanda, ikuskizuna “katramila bat da, argitzeko dagoena, eta aukera ona amets egiteko”. Ikuskizuna zuzenean ikusteko, Casilda Iturrizar parkeko pergolara joan beharko da 12:00etan. Emanaldia doakoa, lekua bete arte.
Abuztuaren 12a, eguaztena
4. BARRUTIA – BEGOÑA
Arratsaldean, 19:30ean, Santutxuko Karmelo plazan, Intujai Teatroak antzerki-zirko-dantzako ikuskizun bat proposatzen du, zuzeneko musikarekin. Euskal emakumearen irudi pertsonala eta tradizioarekin, kulturarekin eta ingurunearekin duen harremana eskaintzen ditu. Sarrera librea izango da, lekua bete arte.
5. BARRUTIA – IBAIONDO
José Luis Canal Trío ezin zen Uda Jazzen falta. Hala, Kulturgunean, 19:00etan, pianista, organo-jole, moldatzaile eta konpositore bilbotarra zain egongo da euskal eszenako musikari handienetako baten jazzaz gozatu nahi duen ororentzat. Sarrerak 5 euro izango dira, eta salgai daude www.bilbaokultura.eus helbidean. Tiket kopuru txiki bat gordeko da kontzertuaren egunean bertan saltzeko, 17:00etatik aurrera.
19:30ean, Arriaga plazan Hortzmuga konpainia izango da. ‘Jule’ showak eraitsi beharreko eraikin bat erakusten digu, eraikina utzi nahi ez duen maizter bat, bete beharreko amets bat edo gehiago… Konpondu beharreko nahaste-borraste bat edo fantasiazko aukera handi bat, galdutako afektua berreskuratzeko eta ametsez gozatu behar dela erakusteko. Sarrera doakoa da, lekua bete arte.
7. BARRUTIA – ERREKALDE
Batzuetan ezinezkoa ez da hainbestekoa izaten. Edo hori uste du D’Albenizek, nahi duen guztia lortu nahi baitu berba magikoen bidez: boom clap, boom clap, ¡somos magia! Familia guztiak gozatu ahal izango du bere magia-ikuskizunaz, 12:00etan, Iralako Kirikiño plazan. Sarrera librea izango da, lekua bete arte.
8. BARRUTIA – BASURTU
Intujai Teatro konpainiak denak gonbidatzen ditu ‘Aire Hemendik’ proposamenarekin gozatzera. Clown-aren bidez euskal emakumearen eta tradizioen ikuspegi interesgarria erakusten du. Etengabe eboluzionatzen ari den identitatea, lurraren sustraietatik sortutako identitatea. Basurtuko Gai sukoien eraikinaren plazan izango da (Sabino Arana 50), 12:00etan. Sarrera librea izango da, lekua bete arte.
Abuztuaren 14a, barikua
5. BARRUTIA – IBAIONDO
#BilbaoUda2020ren jarduerez betetako aste honetan, proposamen berezi bat egingo da Bidebarrieta Kulturgunean, 19:00etan. Bertan, OREKA TX taldeko txalapartariek beren ezohiko zuzenekoa aurkeztuko dute, musika tresna ugari eta askotarikoekin harrizko xaflazko eta hitzezko txalaparta inguratuz. Uxue Alberdi idazle eta bertsolariak lagunduko die, eta testuak irakurriko ditu Oreka TX-en musikarekin bat eginez, nortasun banakakoaz nahiz kolektiboaz ari diren testuak. Sarrerak 5 eurotan salduko dira eta salgai daude www.bilbaokultura.eus webgunean. Gainera, ekitaldiaren egunean sarrera kopuru txiki bat izango da aretoan, 17:00etatik aurrera.
OSASUN-SEGURTASUNA
Osasuneko protokoloak zorrotz beteko dira ekitaldi guztietan, osasun-segurtasuna ahalik eta gehien bermatzeko. Horretarako, #BilbaoUda2020 programako proposamenak formatu txikikoak izango dira, sarrera kopurua mugatuta egongo da eta publikoa beti eserita. Modu berean, maskara nahitaezkoa izango da #BilbaoUda2020-ren ikuskizun guztietan, espazio itxietan zein irekietan.
