EHAAN argitaratu dira Euskadiko larrialdi plana eta Lehendakariaren aginte bakarra aktibatzen duten hiru arauak

Euskal Herriko Agintaritzaren Aldizkariak «Larrialdiei Aurre Egiteko Bidea-LABI» izeneko Euskadiko Babes Zibileko Plana aktibatzen duten bi aginduak, Osasun sailburu Nekane Murgarena eta Segurtasuneko sailburu Estefanía Beltran de Herediarena, eta Iñigo Urkullu Lehendakariaren dekretua argitaratu ditu gaur, astelehena, abuztuak 17. Hala, Iñigo Urkullu Lehendakariak hartuko du bere gain «Larrialdiei Aurre Egiteko Bidea-LABI» izeneko Euskadiko Babes Zibileko Planean jasotako larrialdiko jardueren zuzendaritza bakarra eta koordinazioa, Covid-19ren hedapenaren ondoriozko osasun-alertak sortutako egoeraren aurrean. Hauek dira hiru arauak:

• “AGINDUA, 2020ko abuztuaren 14koa, Osasuneko sailburuarena, zeinaren bidez Segurtasuneko sailburuari eskatzen baitzaio aktiba dezala formalki Euskadiko Herri Babeseko Plana (Larrialdiei Aurregiteko Bidea-Labi), COVID-19aren hedapenak eragindako alerta sanitarioaren aurrean”.

• “AGINDUA, 2020ko abuztuaren 14koa, Segurtasuneko sailburuarena, zeinaren bidez formalki aktibatzen baita Euskadiko Babes Zibileko Plana, Larrialdiei Aurregiteko Bidea-Labi izeneko plana, COVID-19 delakoaren hedapenaren ondoriozko osasun-alertak eragindako egoera dela eta”.

• “17/2020 DEKRETUA, abuztuaren 15ekoa, Lehendakariarena, zeinaren bidez Lehendakariak Euskadiko Herri Babeseko Plana-Larrialdiei Aurregiteko Bidea-Labi zuzentzeko eskumenak bereganatzen baititu, COVID-19aren hedapenak eragindako osasun-alertak sortu duen egoeraren aurrean”.