Aste Nagusiko ohiko ekitaldiak ezin izango dira aurten ospatu, gaur egungo osasun krisia dela eta, baina 2020 urteko Aste Nagusia hasi behar zen eguna aprobetxatu nahi dugu mende honetan jokatu diren partida aipagarrienetako batzuk gogoratzeko.
Kronologikoki, lehen datak 2001eko abuztuaren 26ra garamatza, lehoiek 2001-02 denboraldiko LaLigako lehen partidan Realaren aurka etxetik kanpo lortutako garaipenarekin (1-3) itxi zutenean. Ismael Urzaizek, Julen Guerreroren erdiketa aprobetxatuz, markagailua ireki zuen. Dmitri Khokhlovek partida berdintzea lortu zuen. Berrekitean, Tikok, eskuinkada ikusgarri batekin, eta berriz ere Urzaizek, 2001eko Aste Nagusiaren azken egunean amaitu zen garaipena lortu zuten.
