Ertzainek 45 urteko gizon bat atxilotu dute gaur, asteazkena, goizaldean, Arabako hiriburuko merkataritza-establezimendu batean lapurretan harrapatu ondoren. Inplikatua hainbat metroko altueran dagoen leihotik sartu da, eta, dirudienez, lokaletik lapurtu dituen 300 euro aurkitu dizkiote.
Goizaldeko hiruak aldera, erdiguneko denda baten arduradunak Ertzaintzari jakinarazi dio dendako alarma aktibatu dela eta pertsona bat zegoela barruan. Adierazitako lekura hurbildu den herritarren babeserako patruila batek identifikatu du barruan zegoen pertsona, eta egiaztatu du establezimendua hankaz gora zegoela eta, dirudienez, leihotik sartu dela hainbat metro eskalatu ondoren.
Jabeak polizia-dotazioari esan dio mostradorean zeukan dirua falta zitzaiola. Agenteek egiaztatu dute inplikatuak bere gauzen artean hirurehun eta berrogei euro zituela kopuru ezberdineko billetetan banatuta, eta atxilotu egin dute, beraz.
Atxilotu duten gizona beharrezko polizia-eginbideak amaitutakoan eramango dute epailearen Aurrera.
