Donostiako kanpoko igerilekuetako udako denboraldia irailaren 13an, igandea, amaitu zen, Etxadi eta Intxaurrondoko igerilekuak itxita. Donostiako Udalak udako denboraldi honi buruz egin duen balantzea oso positiboa da. Izan ere, nahiz eta astebeteko atzerapenarekin hasi, ekainaren 22tik irailaren 13ra 79.857 sarbide izan dituzte kanpoko igerilekuek. Horrek esan nahi du %16ko jaitsiera egon dela 2019ko 95.719 erabiltzaileekin alderatuta.
