Donostiako Udalak eta Donostia Shopsek hitzarmen berri bat sinatu dute herriko merkataritzari laguntzeko, pandemiak gehien kaltetu duen sektoreetako bat.
Enrique Ramos Bultzada Ekonomiko eta Merkataritzako zinegotziak adierazi duenez, «Donostiako merkataritzarekiko konpromisoa argia da, eta hitzarmen berri honekin lantzen dena, 214.470 euroko ekarpena egiten duena, haren finkapena bultzatzea da, hiri-ingurunea biziberritzea, hirian merkataritza-gastua geldiarazteko eta beste hiri batzuetako merkataritza-fluxuak erakartzeko, eta, gainera, laguntza-kanpaina eta -politiken bidez, Donostiako merkataritza-sarea sustatzea».
Hala, Donostia Shopsekin egindako hitzarmen horri esker, merkataritza dinamizatzeko kanpainak, sektoreko langileentzako enplegua eta prestakuntza, saltoki asko murgilduta dauden eraldaketa digitala eta elkartearen beraren antolaketa- eta komunikazio-gaiak garatzen lagunduko da.
Gogoratu behar da hirian 4,000 establezimendu inguru daudela, eta hauek hiriko jarduera ekonomikoaren % 24 osatzen dute, hiriko BPGari % 11,8ko ekarpena egiten diotelarik.
