Donostiako Gobernu Batzordeak behin betikoz onartu du Jolastokietako hirigintza esparruari buruzko 2007ko azaroaren 27ko osoko bilkuran onetsitako hirigintza hitzarmenaren aldaketa. Hala, esparru horretan eraikitako 36 etxebizitza tasatuen sustapen-erregimena “azalera-eskubideko erregimenean” egotetik “jabari osoko” salmentako erregimenean egotera igaro da, hau da, jabetza osoan.
Hitzarmen hori aldatzeko, Jolastokieta aldi baterako enpresa elkarteak behar adina datu eta argudio eman ditu. Datu eta argudio horien arabera, etxebizitza tasatuak ez dira 1,7ra saldu azalera-eskubidean, eta, beraz, eraikina partekatzen duten 12 etxebizitza libreen garapenari ere eragiten dio. Ondorioz, horrek eragozten du esparruaren urbanizazio eta eraikuntza osoa osatzea. Garajeei dagokienez, Jolastokieta aldi baterako enpresa elkarteak eskatu du babes ofizialeko 120 aparkalekuren salmenta kentzeko, ez baitago eskaerarik.
Aldaketa horren ondorioz, sustatzaileak Udalari ordaindu beharko dio jabari osoko etxebizitza tasatuak saltzeagatik ordaindu beharreko diruaren eta azalera-eskubideko salmentaren arteko aldea.
