Udako bi kanpainen ondoren, «Arnasa hartu Donostia» eta «uda honetan hemen geratuko naiz», udazkenari begira kanpaina berri bat aurkeztuko da, «Udazkena Donostian, maitasun istorio bat», urriaren 1etik azaroaren 30era indarrean egongo dena.
Osasun-krisia hasi zenetik, Donostia Turismoak bere kanpainak egokitu behar izan ditu, mezuei eta xede-publikoari dagokienez. Helburua turismoa dinamizatzea eta sektoreko tokiko enpresa txiki eta ertainen jarduera suspertzea izan da, betiere egoera berriak eskatzen duen segurtasunean eta erantzukizunean oinarrituta.
Kanpaina honetan, gaur egun erakusten diren bidaia-joera berriak hartuko dira kontuan. Ikusten denez, turista autoz mugitzen da batez ere, eta planak bilatzen ditu naturan eta aire zabalean. Horregatik, autoz hurbil daitekeen bidaiari horrengana joko du: hurbileko publikoa, estatukoa eta frantziarra, gastronomia eta kultura bezalako gustu eta zaletasunak dituena.
