Osasun Sailak eta Osakidetzak, egiten dituzten zaintza- eta kontrol-lanen barruan, herritarren lankidetza eskatzen dute, eta, behean zehazten den biztanle-taldeari, PCR proba egitera joateko eskatzen diote.
ZEINEK?
Beasaingo osasun-eremuko herritarrak, 13 eta 40 urte bitartekoak.
ZER EGIN BEHAR DUTE?
PCR probak ateratzeko azpiegitura Beasaingo Pergola pilotalekuan jarriko da, astelehenetik, urriak 26, asteazkenera, urriak 28ra arte. PCRak honako ordutegian egingo dira:
Astelehen, astearte eta asteazkenean: 13:00-20:00
Horretarako, ALDEZ AURRETIK ESKATU BEHAR DA HITZORDUA telefonoz deituta:
Beasaingo Osasun Zentroan: 943 02 77 00
Osasun-aholkuan: 900 20 30 50
*Emaitza guztiak SMS bidez bidaliko dira.
Hedabieei astelehenean, urriak 26, 13:30ean erantzungo zaie.
SCREENINGA DELA ETA EGINDAKO PCR PROBARI BURUZKO
INFORMAZIOA PAZIENTEENTZAT
Koronabiruserako PCRaren lagina hartu ondoren, honako hau egin beharko duzu:
- PCRaren emaitza jakin arte, komenigarria da gizarte-harremaneko jarduerarik ez egitea, eta maskara erabiltzeari eta segurtasun-distantzia mantentzeari arreta jartzea.
- Egindako probaren emaitzak 72 ordutik beherako epean jasoko dituzu, SMS bidez, positiboa zein negatiboa izan (horretarako, zita ematean, telefono mugikorraren zenbakia utzi behar duzu).
Positiboa bada, telefonoz ere deituko zaizu.
- PCRa egiteko 72 orduko epea igarota emaitzarik jasotzen ez baduzu, zure osasun zentroko telefonora deitu beharko duzu.
Bien bitartean, Osasun Sailak eta Osakidetzak herritar guztiei gogorarazten diete COVIDekin bateragarriak diren sintomak edukiz gero –besteak beste, sukarra, eztula, eztarriko mina, arnasteko zailtasunak edo usaimenaren galera– beren etxeetan isolatzeko esta osasun-zentroa deitzeko.
