Ertzaintzak 55 urteko gizon bat atxilotu zuen atzo gauean Gipuzkoako hiriburuan, ertzain baten autoan lapurreta egiten saiatzeagatik. Zerbitzuz kanpo zegoen ertzainak in fraganti harrapatu zuen.
Atzo gaueko hamarrak laurden gutxi aldera, zerbitzuz kanpo zegoen ertzain batek, Donostiako Amara Berri auzoan autoa hartzera joan zenean, gizon bat aurkitu zuen kopilotuaren eserlekuan, gordetegia miatzen.
Agenteak berehala eskatu zuen polizia-baliabide bat, eta autoko ateak blokeatu zituen lapurra atxiki ahal izateko. Bere burua harrapatuta ikusi zuenean, lapurra ostikoak ematen hasi zen ateei eta leihoei, eta kalte handiagorik egin ez ezan, jabeak desblokeatu egin zituen ateak. Une horretan, auto barruan zegoen gizona agentearen gainera joan zen, eta honek mendean hartu eta lankideak iritsi arte atxiki zuen. Gizona indarrez lapurreta egitea leporatuta atxilotu zuten.
Arrastatuak polizia-aurrekari ugari ditu, eta datozen orduotan eramango dute epailearen aurrera.
